Zelenskıy uçaq qazasınıñ tahqiqatı aqqında aytıp berdi

uatv
10.01.2020
Foto PO

İranda uçaq qazası sebeplerini tahqiq etken komissiya işini devam ete. Prezident Volodımır Zelenskıy, ukrain mütehassısları tahqiqatta faal iştirak etkeni aqqında yazdı.

Bu aqta UATV devlet başınıñ Facebook saifesine atfı etip bildire.

“Obyektiv tahqiqat keçirilmesi içün olarğa bütün malümat berilecek, dep bekleymiz. Vekillerimiznen bütün vaqıt bağ tutamız. Uçaq raketanen urup tüşürilgeni aqqında versiya bar, amma o tasdıqlanılmağan”, – yazdı prezident.

Ukraina devlet başı halqara ortaqlarnı, şu cümleden Kanada, Amerika Birleşken Devletleri ve Büyük Britaniyanı uçaq qazası aqqında istihbaratnıñ malümatı ve isbatlarınen paylaşmağa davet etti.

Bildirgenine köre, bugün o Amerika devlet departamentiniñ baş kâtibi Mayk Pompeo ile Boing qazası aqqında telefonnen laf etti.

“Maqsadımız – keçrkeni belgilemek. Fikrimizce, bu qaza vaqtında elâk olğanlarnıñ qorantaları ögünde bütün halqara toplulığınıñ mecburiyetidir”, – qayd etti Zelenskıy.

Ukraina halqara ava yolları uçaq şirketiniñ Boeing 737 uçağı yanvarnıñ 8-nde Tegeranda İamam Homeyn ava limanından uçqanından çoq keçmeden qazağa oğradı. Uçaqta 167 adam ve 9 ekipaj azası edi.

Джерело UATV
дата 10.01.2020
категорії SİYASET
поділитися
Топ новин на UA|TV