Zelenskıy Qırım muhtariyetine qol tuta

uatv
10.08.2019

Volodımır Zelenskıy yarımadada qırımtatar milliy territorial muhtariyeti teşkil etilmesine qol tuta.

Anayasanıñ 10-nci bölügine azırlanğan deñişmelerni ögrenmek içün Anayasa komissiyasını çağırıp, soñ bunı yuqarı şura baqmasına çıqarmağa azır.

Bunı qırımtatar halqınıñ lideri Mustafa Cemilev prezidentnen körüşken soñ ayttı. Anayasağa deñişmeler kirsetmek içün 300 rey olacağı aqqında aytmağa yerte dey Mustafa Cemilev. Amma prezidentniñ “Sluga naroda” firqası qol tutacağına ümüt ete.

Prezident ofisinde tek Anayasağa kirsetilecek deñimelerni degil de, Qırımda ruslar qırımtatarlarğa qarşı qullanğan repressiyalarnı da muzakere ettiler. Bunen beraber Rusiye halqara uquğını bozıp, halqara mahkemeleriniñ qararlarını becermegeni aqqında da laf etilgen.

Bunı Meclis reisi Refat Çubarov haber etti. Körüşüvde o, Mustafa Cemilev ve yañı saylanğan halq deputatı Rustem Ümerov ile ruslar ağır hasta olğan Edem Bekirovnı qıynağanı ve işğal etilgen yarımadağa mustaqil nezaretçilerni qoymağanı aqqında tarif etkenler.

Menba UATV
tarih 10.08.2019
kategoriyalar QIRIM
paylaşmaq
UA|TV top haberleri