Zelenskıy Qırım meselesini kötermege bile tırışmadı, – İlmi Umerov

uatv
10.12.2019
Foto UATV

Qırımtatar Milliy Meclis reisiniñ muavini İlmi Umerov, Ukraina preizilenti Volodımır Zelenskıy “Normandiya dördü” sammitinde “Pütinniñ şartlarını qanaatlendirdi”, dep saya.

Bu aqta İlmi Umerov “normandiya dördü” körüşüvini tefsir etip öz Facebook saifesinde yazdı.

“BMT Qırım aqqında qarar qabul ete. Aynı zamanda Ukraina prezidenti “Normandiya dördü” körüşüvinde iştirak etip Qırım meselesini kötermege bile tırışmay. Pütinniñ şartları qanaatlendirilgen. Tek “er kesni er keske” deñiştirmege ve Rusiye gazınıñ teslimatı aqqında añlaştılar. Amma deñişüv qırımtatarlarğa ait olacaqmı yoqmı belli degil. Eger e olsa, bu taqdirde 100-ge qadar Qırım sakini qayda qaytacaq? Olarnıñ arasında da 80 qırımtatar”, – dep yazdı reis muavini.

Umerov, siyasiy mabüslernen beraberlikte Qırımnı – qırımtatarlarnıñ Vatanını – daa Kreml mabüsleriniñ aileleride terk etip ketmege mecbur olacaqlar, dep qoştı.

“İşte böyle bir yavaş ketken sürgün ola. Rusiyeniñ deñişüv fondu ise tez tolur. Ve kene de kerçek cinayetçiler iç bir şeynen qabaatlı olmağan adamlarğa deñiştirilecek”, – yazdı Ümerov.

Evel, “Normandiya dördü” sammitinden soñ Qırımtatar Milly Meclis reisi Refat Çubarov, Pütinni toqtamayıp sıqıştırmağa kerek, Kyiv ise aşırmaqtan qorqa, dep bildirdi.

Dekabrniñ 9-nda Pariste “Normadiya dördü” liderleri – Ukraina prezidenti Volodımır Zelenskıy, Frenkistan prezidenti Emmanuel Macron, Almaniya kantsleri Angela Merkel ve Rusiye devlet başı Vladimir Pütin Pariste körüştiler.

Джерело UATV
дата 10.12.2019
категорії CEMİYET
поділитися
Топ новин на UA|TV