Yuqarı Radada bir qaç qanun leyhası baqılacaq

Yuqarı Radanıñ umumiy toplaşuvı devam etmekte

uatv
06.11.2018
Foto Ukrinform-UATV

Noyabrniñ 6-nda, Yuqarı Rada bir qaç qanun leyhasını baqıp çıqmaq niyetinde. Olarnıñ arasında – devlet sıñırı, qoranta çiftçilik hocalığı ve minasızlaştıruv tedbirleri.

Bu aqta Yuqarı Radanıñ saytında yerleştirilgen toplaşuvnıñ kün tertibinde yazıla.

Başta milliy telükesizilik ve mudafaa meseleleri muzakere etilecek. Bu çerçivede, Donbassnıñ gumanitar minasızlaturıluvınıñ meselesinde deputatlarnıñ dört qanun leyhası baqılacaq.

Bunıñ ile birinci muzakerede yapıp bitirilgen №8361  “Ukrainanıñ sıñırdaş bölgisi aqqında” qanun leyhası baqılacaq. Veçiqada, deñizde idare etilgen meydannıñ 12 deñiz milge keñleştirilüvi közde tutula.

Çiftçilik qanun leyhaları arasında böylelerni qayd etmek kerek: № 4611 “Azıq mahsulatlarınen temas etken nesneler ve malzemeler içün şartlar”, 2018 senesi mayıs 22-nde esas etip qabul etilgen №7060 “Ukraina topraq qanunnamesine ve qoranta çiftçilik hocalığınıñ meydanğa ketirilüvi ve inkişafı içün imkân yaratıluvı ve devlet ve kommunal mülkiyeti topraqlarınıñ idare etilüvi saasında qabarcılıq suistimallarğa soñ berilüvi ile bağlı Ukrainanıñ bazı qanuniy qararnamelerine deñiştirilüvlerniñ kirsetilmesi”.

Menba UATV
tarih 06.11.2018
kategoriyalar SİYASET
paylaşmaq
UA|TV top haberleri