Yuqarı Rada ve Nazirler kabineti parlament saylavlarına qadar çalışacaq, – Groysman

uatv
17.05.2019
Foto Urâdoviy portal

Ukraina baş naziri Volodımır Groysman, ükümet ve parlamentte memleket içün müim qararlar almağa vaqtı bar olğanına emin.

Bu aqta UATV haber ete.

“Yuqarı Rada ve Nazirler kabineti nevbetteki parlament saylavlarına qadar çalıcaqlar. Rica etem – keliñiz beraberlikte, bizni birleştirecek bir umumiy kün tertibini teşkil eteyik”, – dedi baş nazir.

Onıñ sözlerine köre, ilk evelâ deputatlıq tiyilmemezligi aqqında qanunğa, merkezsizleştirüv islâatınıñ devam etilmesine, Avropa Birliginen birleşme aqqında añlaşma şartlarnıñ yerine ketirilmesine diqat etmeli.

Groysman, saylavlarğace bile insanlar içün müim olğan meselelerni çezmek içün vaqıt olğanını inana.

“Bizde imkânlar penceresi bar. Buna inanmaq kerekmiz. Ya da biz yuu imkânlarnı Ukrainanıñ pekitilüvi içün qullanacaqmız, ya da bu kene de imkânlarnıñ ğayıp devri olacaq. Keliñiz memleketimizni 5 ay içinde deñiştireyik. Tecribemiz bar”, – ayttı o.

Andriy Parubiy parlamentte koalitsiya faaliyetiniñ toqtatıluvı aqqında ilân etti.

Menba UATV
tarih 17.05.2019
kategoriyalar SİYASET
paylaşmaq
UA|TV top haberleri