Yuqarı Rada bergi aqqında Türkiye ile añlaşmağa deñişmelerni qabul etti

uatv
18.09.2019
Foto Ukrinform-UATV

Ukraina Yuqarı Radası kelirler ve mal-mülk boyunca eki kere bergi berilmemesine dair Añlaşmağa deñişmeler kirsetilmesini qabul etti.

Bu aqta UATV mühbiri haber etmekte.

Ukraina ve Türkiye cumhuriyeti arasında añlaşmağa deñişmeler kirsetilmesine dair protokol içün 320 halq deputatı qol tuttı.

“Qanun leyhası eki memleket arasında munasebetlerni resmiyleştirgen protokol amelge kirmesi içün kerekli devlet protsedtsraları yapılması maqsadınen azırlandı”, – dedi toplaşuv vaqtında Ukraina maaliye naziriniñ muavini Yuriy Geletiy.

Deñişmeler ileride malümat paylaşması boyunca maddelerni ve İqtisadiy işbirlik ve inkişaf Teşkilâtınıñ model beyannamesiniñ maddelerine binayen “rezident” añlamınıñ kenişletilmesini közde tuta.

Menba UATV
tarih 18.09.2019
kategoriyalar SİYASET
paylaşmaq
UA|TV top haberleri