Yarın Ukraina ve RF оmbudsmenleri mabüslerniñ cedvellerinen deñişecekler

uatv
15.07.2019
Video skrin

Ukraina Yuqarı Radası insan aqları vekâletlisi Lüdmila Denisova ve Rusiye Federatsiyası ombudsmenı Tatyana Moskalkova, Rusiye ve Ukrainada apis cezasına mahküm etilgen vatandaşlarnıñ teşkerüvini keçirecekler ve soñra olarnıñ keri qaytaruv mehanizmlerni muzakere etecekler. Yarın, iyülniñ 16-nda, osbudsmenler apislilerniñ cedvellerinen deñişecekler.

Bu aqta olar iyülniñ 15-nde Kyivde beraberlikte ötkergen brifing vaqtında bildirdiler, dep haber ete Radio Svoboda.

Bundan ğayrı taraflar körüşüv vaqtında ukrain siyasiy mabüslerine yardım kösterilmesini de muzakere ettiler.

“Azatlıqtan marum etüv yerlerinde bulunğan ayrı vatandaşlarınıñ tibbiy yardımını temin etüv meselesinde añlaştıq. Edem Bekirov, Pavlo Grıb, Volodımır Baluh, Vladimir Dudka ve Stanislav Klıhnıñ meselelerini baqtıq. Moskalkova vatandaşlarımıznı baqtırmaq içün mustaqil ekimlerni kirsetüv meselesini baqacaq, dep keliştik”, – dedi Denisova.

Menba Azatlıq Radiosı
tarih 15.07.2019
kategoriyalar CEMİYET
paylaşmaq
UA|TV top haberleri