Yarın BMT Baş Assambleyası komiteti “Qırım” qarar leyhasını baqacaq

uatv
13.11.2019
Foto Ukrinform-UATV

Noyabrniñ 14-nde, Birleşken Milletler Teşkilâtı Baş Assambleyasınıñ Üçünci komiteti “Qırım” qarar leyhasını baqıp çıqacaq. Anda işğal etilgen Qırımda insan aqları qoruvı aqqında yazıla.

Bu aqta BMT yanında Daimiy Ukraina temsilciliginiñ vekili Öleg Nikolenko bildirdi, haber ete Ukrinform.

Vesiqa, New Yorkta kündüz (Kyiv vaqıtnen aqşam) baqılacaq. Nikolenkonıñ bildirgenine köre, qararnı ukraina tarafı azırladı, 40 memleket ise müellifdeş oldı. Onıñ temelinde 2016-2018 seneleri qabul etilgen üç “Qırım” qararları.

“Hatırlatmaq isteyim ki, 2016 senesinden başlap Ukraina başta Üçünci komitetniñ, soñra ise Baş Assambleyasınıñ baqıluvına “Qırım Muhtar Cumhuriyetinde ve Aqyar şeerinde (Ukraina) insan aqları vaziyeti aqqında” qarar leyhasını teklif ete. Onıñ maqsadı, Rusiyeniñ işğal şaraitinde insan aqları qoruvı. Qırımda olıp keçken esnaslarnı talil etemiz, ve bu sene metinge bir sıra yañı teklifler kirsettik”, – dedi spiker.

Nikolenko qayd etti ki, Rusiye qanunsız surette Qırım sakinlerini tevqif etmege devam ete ve işğal etilgen Qırımda demografik vaziyetniñ deñiştirüv siyasetni keçire. Bu ise halqara uquqnıñ qaba bozuluvı. Şunıñ içün BMT tecavuzcı memleketniñ areketlerine cevap bermeli.

Menba UATV
tarih 13.11.2019
kategoriyalar QIRIM
paylaşmaq
UA|TV top haberleri