Yarımada işğalden azat etilmegencek, Rusiyege qarşı qoyulğan Qırım sanktsiyaları lâğu etilmeycek, – Kurt Volker

uatv
16.09.2019
Foto Twitter/Kurt Volker
Foto Twitter Kurt Volker

Amerika Birleşken Devletleri Devlet Departamentiniñ Ukraina meseleleri mahsus temsilcisi Kurt Volker, yarımada işğalden azat etilmegencek, Rusiyege qarşı qoyulğan Qırım sanktsiyaları lâğu etilmeycek, dep bildirdi.

Bunı, o, TSN-ge intervyü berip ayttı.

Kurt Volkernıñ aytqanına köre, Qırım ve Donbass içün Rusiyege qoyulğan sanktsiyalar ayırılmaq kerek.

“İlk-evelâ Rusiye Qırımnı işğal etkeni içün sanktsiyalar qoydıq, ve daa rusiyeliler Minsk añlaşmalarını yerine ketirmegeni içün. Ve bunıñ ile daa bir qaç diger sebepten, misal oalraq, Büyük Britaniyada Skripaller qorantasına ücüm içün. Eger Rusiye, özüne mecburiyet alğanı kibi, Minsk añlaşmalarını yerine ketirse, o zamam biz bu sanktsiyalarnıñ yımşatılmasını baqacaqmız. Amma Qırım içün qoyulğan sanktsiyalar, Rusiye Qırım işğalini ne qadar devam etse, o qadar da çoq devam etecekler. Diger sanktsiyalarğa kelgende aynı”, – dedi Volker.

O, bugünde Rusiye Federatsiyası Minsk añlaşmalarını yerine ketirmegenini qayd etti. Şunıñ içün sanktsiyalarnıñ yımşatılması aqqında da söz olmaycaq, dedi.

Evel Kurt Volker, Minsk añlaşmalarında, Donbasstaki vaziyetiniñ tınç çezilmesi içün kerekli er şey bar olğanını bildirgen edi.

Hatırlatamız: Ukraina prezidenti Volodımır Zelenskıy, Rusiye Federatsiyasına qarşı sanktsiyalarnı uzatmaq kerek, dep ayttı.

Menba UATV
tarih 16.09.2019
kategoriyalar QIRIM
paylaşmaq
UA|TV top haberleri