Yarım yıl içinde Qızıl Haç Donbassqa 6 biñ tonna gumanitar yardım yoladı

uatv
11.08.2019
Foto golos.ua

2019 yılınıñ ilk yarısında Qızıl Haç halqara komiteti Donetsk ve Lugansk vilâyetleriniñ işğal etilgen bölgelerine 6065 tonna gumanitar yardım yolladı.

Bu aqta Ukraina milliy haberleri Qızıl Haç halqara komitetiniñ malümatına atfı etip bildire.

“2019 yılınıñ ilk yarısında, Ukraina idaresi astında olmağan Donbassnıñ bölgelerine 327 yük maşnasınen 6065 tonna gumanitar yardım yollanıldı”, – dep bildirdiler teşkilâtta.

Şarqiy Ukrainanıñ sakinlerine esasen azıq malları, ilâclar, qurucılıq malzemeleri ve ev ayvanları içün yem yollanıla.

Bundan evel Qızıl Haçnıñ halqara komiteti Donbassqa 13 yük maşnasınen gumanitar yardım yollağan edi.

Menba UATV
tarih 11.08.2019
kategoriyalar CEMİYET
paylaşmaq
UA|TV top haberleri