Yaponiyada anomal sıcaqlardan eñ az 23 kişi elâk oldı

uatv
14.08.2019
Foto AFP

Keçken afta Yaponiyada eñ az 23 kişi elâk oldı, daa 13 biñ insan küneş urması sebebinden hastahanege tüşti.

Bu aqta Fevqulâde vaziyetler Nazirligi ve acele yardım hızmetlerini becergen Yaponiyanıñ Baş yanğın idareligi haber etti.

Qayd etilgenine köre, soñki yedi künde bütün Yaponiyada küneş uruvlarından dolayı 12751 kişi hastahanege alındı. Bütün Yaponiya territoriyasında anomal sıcalar devam ete. Bir sıra regionlarda sıcaqlıq derecesi 39-ğa yete.

Çoqusı zararlanğanlar ve elâk olğanlar – evde könditsionerleri olmağan ya da olarnı qoymağan esli-yaşlı insanlar. Akimiyet insanlarnı başına bir şey kiyyege, çoqça suv içmege ve sıcaqta çoq yürmemege çağıra.

Menba UATV
tarih 14.08.2019
kategoriyalar Dünya
paylaşmaq
UA|TV top haberleri