Yaponiya, Kuril adalarındaki Rusiye Federatsiyasınıñ arbiy talimleri sebebinden narazılıq bildirdi

uatv
05.04.2019
Foto UMH

Yaponiya ükümeti, Kuril adalarınıñ cenübiy qısmında ötkerilgen arbiy talimler sebebinden Rusiye Federatsiyasına remiy narazılıq bildirdi.

Bu aqta Ukrinform NKH saytına atfı etip bildire.

“Yaponiya, şimaliy bölgeleriniñ qısmı olğan Kunaşir suvları yanında ötkerilgen arbiy talimler sebebinden Rusiyege narazılıq bildirdi”, – yazıla malümatta.

Resmiy Tokio, bu adalar Yaponiyanıñ ayırılmaz qısmı olğanını qayd ete. Memleketniñ narazılığı diplomatik yollar vastasınen Moskvağa yollanıldı.

Kreml talimlerni aprelniñ 4-nden 12-sine qadar keçirmege planlaştıra.

Yaponiya, Ekinci cian cenki neticesinde Şuralar Sotsialistik Cumhuriyetler Birligi (ŞSCB) ilhaq etken İturup, Şikotan, Kunaşir ve Habomai adaları üzerinde Rusiyeniñ suverenitetini tanımay.

Tamam bu topraq davası sebebinden, 1945 senesinden berli Moskva ve Tokiye alâ daa barışıq muqavelesini imzalamadı.

Джерело Ukrinform
дата 05.04.2019
категорії Dünya
поділитися
Топ новин на UA|TV