“Yanukoviç paralarından” üç million dollar Ukrainağa qaytarıldı

uatv
10.05.2019
Foto cxid.info saifesinden

Adliye Nazirliginiñ devlet icra hızmeti 55 mln grn ve 1 mln dollarnı Ukrainağa qaytardı. Bu paralar Viktor Yanukoviç ve sabıh siyasetçilernen bağlı olğan şirketlerden alınğan.

Bu aqta İcra hızmeti meselelerinden Ukraina adliye naziriniñ muavini
Svitlana Gluşkova bildirdi, dep haber ete müessiseniñ matbuat hızmeti.

“Ukrainağa paralarnıñ qaytarılması “Ukrgazbank”nıñ esaplarında olğan EROSARIA LTD ve Aldoza Investments Limited şirketleriniñ paraları devletke qaytarılmasına dair mahkeme qararına binayen yapıldı”, – dedi Svitlana Gluşkova.

Onıñ qayd etkenine köre, paralar Ukrainanıñ Devlet icra hızmeti esabına keldi. Umumen bu paralar 55 342 762,37 grn ve 1 010 072,39 dollarnı teşkil ete.

Hatırlatamız, bundan evl devlet bücetine Yanukoviçniñ esaplarından musadere etilgen 1,5 mln grn alındı.

Menba UATV
tarih 10.05.2019
kategoriyalar İQTİSADİYAT
paylaşmaq
UA|TV top haberleri