WADA Rusiyeni Dünya çempionatları ve Olimpiadadan 4 yılğa uzaqlaştırdı

uatv
09.12.2019
Foto AP

Rusiye Federatsiyası, doping nümüneleri sahtesini yapqanı sebebidnen kelecek 4 yıl devamında Dünya çempionatları ve Ölipmiada oyunlarında iştirak etmeycek. Qararnı bugün İsviçreniñ Lozanna şeerinde WADA Bütün Dünya antidoping agentliginiñ İcra komitetiti aldı.

Bu aqta BBC haber etti.

“WADA Rusiyeni dört yılğa büyük turnirlerde iştirak etüvden uzaqlaştırdı”, – yazıla malümatta.

Rusiyeli atletler öz devletiniñ bayrağınen iştirak etip olamaycaq. Bu, 2020 senesi Tokioda Yaz Olimpiada oyunları ve 2022 senesi Katarda Futbol dünya çempionatı. Amma buna baqmadan, sportçular bitaraf bayrağınen iştirak etip olacaq.

21 kün içinde Rusiye Federatsiyası Sport akemlik mahkemesine istinaf şikâyet bere bile.

2018 sensi Phençhande olıp keçken Olimpik oyunlarında Rusiye sportçuları bitarafa bayrağınen endi iştirak etken edi.

Soñ qarar dekabrniñ 9-nda Pariste keçirilecek toplaşuvda alınacaq.

Rusiye cıyma taqımı doping sebebinden yengil atletikadan Dünya çempionatında endi ekinci kerek iştirak etmeycek.

Джерело BBC
дата 09.12.2019
категорії Sport
поділитися
Топ новин на UA|TV