Volodımır Zelenskıy Ukraina milliy telükesizlik ve mudafaa şurasınıñ erkânını deñiştirdi

uatv
16.07.2019
Foto PM

Ukraina prezidenti Volodımır Zelenskıy Milliy telükesizlik ve mudafaa şurasınıñ erkânına yañı azalarnı qoştı. Buna ait ferman devlet başınıñ saytında yerleştirilgen.

Böylece, prezident Milliy telükesizlik ve mudafaa şurasınıñ erkânına Tışqı istihbarat hızmeti başı Vladislav Buharev ve Devlet maliyeviy közetüv hızmeti başı İgor Çerkasskiyni kirsetti.

Bundan ğayrı, Volodımır Zelenskıy Milliy telükesizlik ve mudafaa şurasınıñ erkânına Prezident Ofisi reberi Ayndrey Bogdan ve Prezident Ofisi reberiniñ muavinleri Vadim Pristayko ve Ruslan Râboşapkanı kirsetti.

Hatırlatamız: Mayıs ayında Zelenskıy Ukraina milliy telükesizlik ve mudafaa şurasınıñ yañı erkânını tasdıqladı.

Menba UATV
tarih 16.07.2019
kategoriyalar SİYASET
paylaşmaq
UA|TV top haberleri