Volodımır Zelenskıy Mike Pence ile Ukrainadaki islâatlarnı muzaker etti

uatv
19.09.2019
Foto PO

Ukraina prezidenti Volodımır Zelenskıy Amerika Birleşken Devletleri vitse-prezidenti Mike Pence ile telefonnen laf etti.

Bu aqta UATV devlet başınıñ matbuat hızmetine atfı etip bildire.

Böylece, Zelenskıy Mike Penceke Ukrainağa arbiy yardım programma uzatılması qararındaki emiyeti içün minnetdarlıq bildirdi ve kelecek sene Amerika Birleşken Devletleri tarafından onıñ miqdarı aksine daa ziyade artacağına ümüdini bildirdi.

Volodımır Zelenskıy, Ukraina mudafaa qabiliyetiniñ pekitilmesi ve milliy mudafaa ve telükesizlik saasınıñ islâ etilmesi içün Birleşken Devletler köstergen destekniñ emiyetini qayd etti.

Taraflar, energetika saasında Ukraina-Amerika işbirliginiñ semereli inkişafını qayd ettiler ve ileride onıñ faal keñleştirilmesine dair fikrilerini bildirdi.

Bunıñ ile, Ukraina ve Amerkia Birleşken Devletleri arasındaki siyasiy munasebetlerniñ yüksek seviyesinden eki taraflı memnünlik aqqnda aytıldı.

Ukraina prezidenti Mike Penceke, memlketimizde qabarcılıqtan qurtulmaq içün keçirilgen islâatlar aqqında aytıp berdi.

Pence, Ukrainada büyük islâ tedbirlerniñ amelge keçirüvinde ilerilevni qayd etti ve yañı ukrain akimiyetine bu yönelişte destek köstermege azır olğanlarını ayttı.

Menba UATV
tarih 19.09.2019
kategoriyalar SİYASET
paylaşmaq
UA|TV top haberleri