Volodımır Baluh ceza izolâtorında avgustnıñ 13-ne qadar bulunacaq, – Şumkov

uatv
13.08.2019
Foto Radio Svoboda

Volodımır Baluhnen bir cezahanede tutulğan Kremlniñ ukrain mabüsi Aleksandr Şumkov, Letoniya faali Tatyana Lazdege mektüp yazdı.

Mektüpniñ metinini o öz Facebook saifesinde yerleştirdi.

Şumkovnıñ yazğanına köre, Volodımır Baluh ceza izolâtorında avgustnıñ 13-ne qadar bulunacaq.

“E, isyancı Vova ise avgustnıñ 13-ne qadar ceza izolâtorına yerleştirildi, yani salığa qadar, elbet de vaqıt uzatılmasa”, – yazdı Şumkov.

Yaqınlarda onı Ukraina konsulı ziyaret etti. Şumkov, “Rusiye tarafı iç bir uquqiy mehanizmler olmamağanını aytqanı içün kene deñişüv aqqında aytışmalar bozula”, dep saya.

Hatırlatamız: Volodımır Baluh kene ceza izolâtorına yerleştirildi.

Rusiye öz vatandaşlığını mecbur etip aldırtacaq olğa ukrain siyasiy mabüs Volodımır Baluh kene ceza izolâtorına yerleştirildi. Bundan sebep, aq-uquq qoruyıcalr ukrainalerge mabüske qoltutıp, oña mektüpler yazmağa rica eteler. “Rusiye cezahanesinde muşkul şartlarda bulunıp, Volodımır Baluh serbestlik, insan menligi ve Ukraina oğrunda küreşe. Amma öz ayatı içün küreşmege küçü qalmadı. Qırım sakini, ukrain halqı ve halqara toplulığınıñ destegine muhtaca”, – dep yazıla Qırım aq-uquq qoruyıcı gruppasınıñ beyanatında.

Vladimir Baluh qanunsız şekilde 5 yılğa maküm etilip, tahminen 150 dollar cöreme aldı. Ukrainalığa qarşı işğalciler tarafından eki iş uydurıldı – qanunsız silâ saqlanılması ve yerli taqiqat izolâtorınıñ müdirini köteklev. Aq-uquq qoruyıcılar bildirgenine köre, Qırım sakini Ukraina tarafdarlığı içün repressiyalarğa oğradı. Çünki bundan evel azbarında Ukraina bayrağını asqan edi.

Menba UATV
tarih 13.08.2019
kategoriyalar KREML MABÜSLERİ
paylaşmaq
UA|TV top haberleri