Viyanada ukrain kinosı künleri keçirilecek

uatv
14.05.2019
Foto Facebook Ukrain kinosı künleri

Avstriyanıñ paytahtında “Viyanada ukrain kinosı künleri” adlı festival olıp keçecek. O iyunniñ 21-den 23-ne qadar devam etecek.

Bu aqta tedbiriniñ Facebook saifesinde haber etildi.

Tedbirni “Avstriyada ukrain gençleriniñ toplulığı” (TUMA) teşkil etti. Alman subtitrlerinen kösterilecek ukrain filmlerini Artis International Viyana kinoteatrinde baqmaq mümkün olacaq.

Böyle kibi festivalniñ maqsadı – memleket grajdanlarını zemaneviy ukrain kinematorgafiyasınen tanıştırmaqtır.

“Vazifemiz, adiy avstriyalığa ukrain medeniyeti sadece diqkatqa lâyıq olğanını degil de, amma diger Avropa halqları arasında daa müim bir yer alğanını köstermektir”, – qayd ettiler teşkilâtçılar.

Al-azırda festivalniñ tam programması ve biletler fiyatı kibi sualler çezilmekte.

“Al-azırda programmanı tizmektemiz. Kösterilmesi içün izin berilgen eki filmniñ serlevasını ayta bilem – bu “Pozıvnoy “Banderas” ve “Jivaya vatra”. Bundan ğayrı “Moya babuşka Fanni Kaplan” filmniñ rejissörı ile ağzaviy ağlaşmamız bar”. – dedi teşkilâtçılardan birisi.

Bunıñ ile “Pohişçennaya printsessa”, “Çelovek s taburetom”, “Storojevaya zastava”, “Donbass” ve diger filmlerni köstermek içün izin almağa planlaştırıla.

Menba UATV
tarih 14.05.2019
kategoriyalar MEDENİYET
paylaşmaq
UA|TV top haberleri