Vinnıtsa vilâyetinde muazzam Smile Festı keçirilecek

Bayram Bütün dünya tebessüm kününe bağışlanğan

uatv
03.10.2018

 

Foto vezha.vn.ua saytından

Oktâbrniñ 5-nde, cuma künü, Vinnıtsâ vilâyeti er yıl olğan Smile Fest musafirleri ve iştirakçilerini qarşılaycaq. Tedbir Bütün dünya tebessüm kününe bağışlanğan.

Bunı malümatnı Ukrinform haber ete.

Bu munasebet ile şeerde külümsiregen adamlar numayışı keçirilecek. Teşkilâtçılar tantanalı yürüşke biñden ziyade adam qoşulacağına ümüt ete. Bunıñ ile, tedbirniñ çerçivesinde tebessümler şeerçigi de çalışacaq. O yerde musafirlerde ustalıq derslerinde iştirak etmege, icadiy meydançıqta selfi yapmağa, taqdimler ve mevzuiy sergilerni ziyaret etmege imkân olacaq. Daa bu yerde tantanalı kontsert olacaq, ondan soñ çeşit mukâfat ve özgün bahşışlar yutmaq mümkün olacağ oyun keçirilecek.

Tedbirniñ teşkilâtçılarından birisi, göñülli İrina Baranoviç, şeerde böyle merasim endi üçünci kere keçirilgeni aqqında aytıp berdi. Vinnıtsâ ise, onıñ sözlerine köre, kendini hayırhaq adamlar şeeri kibi köstere.

Tedbir soñunda musafirlerni belli ukrain yazıcılar iştiraginen şiiriyet aqşamı bekley.

Menba Ukrinform
tarih 03.10.2018
kategoriyalar CEMİYET, MEDENİYET
paylaşmaq
UA|TV top haberleri