Veteranlar nazirligi Rusiyeniñ quvetçilerine qarşı sanktsiyalar qoyuluvınıñ teşebbüsçisi olacaq

uatv
10.02.2020
Foto Ukrinform

Veteranlar, vaqıtnca işğal etilgen topraqlar ve memleket içinde yaşağan yerini deñiştirgen şahıslar nazirligi qanunsız sürette işğal etilgen Qırımda ukrain vatandaşlarını mahkemege çekken ve Keriç boğazında ukrain deñizcilerini yaqalağan quvetçilerge qarşı sanktsiyalar qoyuluvınıñ teşebbüsçisi olacaq.

Bu aqta idareniñ matbuat hızmeti haber etti.

Berilgen malümatqa köre, nazirlikniñ mütehassısları 2018 senesi noyabrniñ 25-nde Keriç boğazında esirlikke alınğan Ukraina Arbiy deñiz quvetleriniñ gemilerine qarşı silâlı istilâğa alâqası olğanlar aqqında yeterli qadar malümat toplağan.

“Bunen beraber, vaqtınca işğl etilgen Qırım Muhtar Cumhuriyeti ve Aqyar şeerinde ukrain vatandaşlarını mahkemelegen ve davalarnı uydurğan “tahqiqatçılar, prokurorlar ve mahkemeciler” aqqında da”, – yazıla malümatta.

Veteranlar, vaqıtnca işğal etilgen topraqlar ve memleket içünde yaşağan yerini deñiştirgen şahıslar nazirliginiñ hadimleri “Qırım aq-uquq qoruyıcı gruppasınen” beraberlikte bir qaç onluq adamğa qarşı sanktsiyalar qoyuluvı aqqında qarar leyhasını azırladı.

Vesiqa Nazirler kabinetine baquv içün berilecek.

Джерело UATV
дата 10.02.2020
категорії QIRIM
поділитися
Топ новин на UA|TV