Varşava Ukrainanıñ Avropağa bütünleşüvini kesen-kes destekley, – Poloniya TİN

uatv
06.09.2019
Foto Ukrinform-UATV

Poloniya, diger memleketlerniñ, ilk-evelâ Ukrainanıñ, Avropa Birligi azalığı içün “açıq qapılar” siyasetke ileride de qoltutacaq.

Bu aqta Poloniya Tışqı işler naziriniñ muavini Şimon Şinkovskiy vel Senk Krınıtsâda olıp keçken İqtisadiy forum vaqtında bildirdi, dep haber ete Ukrinform.

“Biz, Şarqiy ortaqlıq memleketleri ve ilk-evelâ Rusiye tarafından ücümge oğrağan şarqiy qomşumız Ukrainanıñ Avropağa bütünleşüvini kesen-kes desteklemege devam etecekmiz”, – dep qayd etti Şinkovskiy.

Diplomat, Ukraina ile munasebetlerde bütün tarihiy davalarnı aqiqat ve tarihiy adaletke esaslanıp çezilmek kerek olğanını qayd etti.

Varşava Kyivniñ Avropağa bütünleşüvini kesen-kes destekley, bu “Poloniyanıñ mecburiyeti” ve Poloniya, Avropa Birligi ve Ukrainanıñ menfaatıdır, dep qoştı diplomat.

Menba Ukrinform
tarih 06.09.2019
kategoriyalar UKRAİNA VE AB
paylaşmaq
UA|TV top haberleri