UNICEF ve Halqara köç teşkilâtı Donbassqa 21 tonna gumanitar yardım yolladı

uatv
21.12.2019
Foto Ukrinform

UNICEF Birleşken Milletler Teşkâlıtınıñ bala fondu ve Halqara köç teşkilâtı Donbassnıñ işğal etilgen topraqlarına 4 yük maşnasınen gumanitar yardım yolladı. 

Bu aqta UATV Ukraina Devlet Sıñır Hızmetiniñ matbuat hızmetine atfı etip bildire.

Yüklü maşnalar “Novotroitske” kiriş-çıqış yoqlav keçitinden keçken.

Berilgen malümatqa köre, Donbass sakinlerine sanayı ve tibbiyet malları, ana ve bala taqımları yollanılğan.

Yollanılğan yardımnıñ umumiy çekisi – 21 tonna. 

Hatırlatamız: İsviçre elçiligi işğal etilgen Donbassqa 22 yük maşnasınen gumanitar yardım yolladı. Bular suv arıtıluvı içün himiyeviy reagentler, tuz, tibbiyet teçhizatlar, hlor kireçi ve faalleştirilgen kömür.

Bundan evel Qızıl Haçnıñ halqara komiteti Donbassqa 23, 95 tonna gumanitar yardım yollağan edi.

Oquñız: Donbasstaki çatışma devamında 172 bala elâk oldı, – UNICEF.

Джерело UATV
дата 21.12.2019
категорії Donbass
поділитися
Топ новин на UA|TV