Ukrzaliznıtsâ, şirket hızmetleriniñ keyfiyeti aqqında 20 biñden ziyade yolcunıñ fikrini sorap bilecek

uatv
23.08.2019
Foto UATV

Ukrzaliznıtsâ, yolcular arasında, şirket hızmetleriniñ keyfiyetini ögrenmege yardım etecek büyük sorav keçirecegini ilân etti.

Bu aqta Ukrzaliznıtsânıñ matbuat hızmeti haber ete.

“Sorav, demir yol vokzallarında, gedeje ve kündüz qatnağa trenlerde, Avropa Birliginde qullanılğan yekâne anketa ve usulşınaslıq mücibi keçirilecek”, – dep qayd ettiler müessisede.

Soraştıruvda bütün Ukraina boyunca 20 biñden ziyade kişi iştirak etecegi beklenile.

Soravnı keçirecek şikretni ProZorro sisteması vastasınen belgilenecek, çünki Avropa Birliginiñ tecribesine köre, şirket mustaqil olmalı.

Ukrzaliznıtsâğa içtimaiy sorav, ileride Avropa Birliginiñ direktivalarını implementatsiya etmek içün kerek.

“Soravlarnıñ neticeleri, yolcu naqil etilmesinde eñ kritik ne olğanı ve ilk evelâ ne yerge küç-quvetni doğrultmağa kerek olğanını añlamağa yardım etecek”, – dediler şirkette.

Menba UATV
tarih 23.08.2019
kategoriyalar TURİZM
paylaşmaq
UA|TV top haberleri