Ukrainlerniñ 70 faizi NATO-ğa qoşuluvğa qoltuta, – içtimaiyat soravı

Eñ çoq bu ğayeni ğarbiy bölge ealisi begene

uatv
28.12.2018

Foto Ukrinform-UATV

İçtimaiyat soravnıñ neticelerine köre, referendumğa kelgen ukrainlerniñ 70 faizi, NATO-ğa qoşulmaq içün reylerini berir edi.

Bu aqta “Demokratik teşebbüsler” fondunıñ müdiri İrina Bekeşkina aytıp berdi, haber ete Ukrinform.

Eger, Ukrainanıñ NATO-ğa qoşuluv meselesinde yaqın vaqıtta referendum keçirilse edi, rey berüvde ealiniñ 69 faizi iştirak eter edi.

Ukrainlerniñ 70 faizi “ebet” dep rey berir edi. Keçken sene böyle damlarnıñ sayısı 69 faiz edi. Soraştırılğanlardan qarşı 28 faiz oldı, qalğanları bitaraf qaldı.

Memleketniñ ğarbında, Ukrainanıñ NATO-ğa qoşuluvına 92 faiz qoltuta. Merkeziy qısmında – 82 faiz. Ukrainanıñ cenübinde NATO tarafdarları 60 faiz. Şarqta ise tek 25 faiz qoltuta.

Bunıñ ile, Ukraina ealisiniñ 46 faizi, NATO Ukraina içün telekesizilik kefili olğanını sana. Keçken sene bu köstergiç 38,5 faiz edi.

Menba Ukrinform
tarih 28.12.2018
kategoriyalar UKRAİNA-NATO
paylaşmaq
UA|TV top haberleri