Ukrainanıñ yañı parlamenti işke azırlana

uatv
14.08.2019

Nazirler Kabineti vekâlet teslimatına azırlana. Sentâbr ayında, Yuqarı Rada yañı nazirlerni tayinlenecegi beklenile. Onıñ içün Volodımır Groysman akimiyetniñ bugünki oturışuvını yañı akimiyetke berilecek materiallar ve leyhalarnıñ azırlanmasına bağışladı. Taqmınıñ esas irişimleri arasında baş nazir detsentralizatsiya islâatını qayd ete. Yañı nazirler kabineti bu islâatnı devam ettirecek.

‘Bundan evel bu aqta aytqan edim – detsentralizatsiya islâatını bitirip, qanuniyetni deñiştirmek kerek. Şu cümleden, yerli saylavlar aqqında qanunlar deñişmek kerek. Men bellesem, yerli saylavlar aqqında 2015 senesi kirsetilgen deñişmeler tolusınen meseleni çezmey. Ümüt etem, yañı parlament bunı tüzetip olur’, – dedi Groysman.

Tasil naziri Ukraina mektebiniñ islâatlanması başlanğanını bildirdi. Hususan, inklüziv tasil kirsetilmesi aqqında. saqat balalar içün mektep infrastrukturası abadanlaştıruvına artıq 7 milliard grivnalıq yatırımlar yapıldı.

‘Şimdi yañı ukrain mektebi islâatını devam ettirüv meselesi biz içün pek müimdir. Böyle etip balaçıqlarğa istidatını kösterip, bahtlı olmağa yardım etebilemiz. Eñ esası – olarnı ruhtan tüşürmeyip, oquşqa ve bilgi aluvğa zevqlerini saqlamaq’, – dep qayd etti Ukraina tasil ve ilim Naziri Liliya Grineviç.

Menba UATV
tarih 14.08.2019
kategoriyalar CEMİYET
paylaşmaq
UA|TV top haberleri