Ukrainanıñ Türkiye ile ticareti 3 milliard dolarğa arttı, – Stepan Kubiv

O Türkiye Cumhuriyetiiniñ köy ve orman hocalığı naziri Bekir Pakdemirli ile körüşti

uatv
05.12.2018

Foto Stepana Kubiva (Facebook)

Bu seneniñ 9 ayı içinde Ukraina ve Türkiye arasındaki mal dönümi aman 14 faizge arttı. Bugünde o 3 milliard dollarğa yetti.

Bu aqta baş nazrniñ birinci muavini Stepan Kubiv öz Facebook saifesinde yazdı.

Bu ve daa diger mevzularnı o Türkiye Cumhuriyetiiniñ köy ve orman hocalığı naziri Bekir Pakdemirli ile körüşüv vaqtında muzakere etti.

Nazirniñ sözlerine köre, şimdiki vaqıtta, Ukraina ile mal dönümi miqdarında Yaqın Şarq bölgesi memleketleri arasında Türkiye 1-nci yerdedir.

Bundan ğayrı, Stepan Kubiv, yaqın vaqtta memleketlerimiz imzalacaq olğan serbest ticaret aqqında añlaşma, Türkiye bazarlarına ukrain köy hocalıq mahsulatlarınıñ irişim seviyesini diqqatqa almaq kerek olğanın qayd etti.

Menba UATV
tarih 05.12.2018
kategoriyalar İQTİSADİYAT
paylaşmaq
UA|TV top haberleri