Ukrainanı İsrail baş naziri ziyaret etti

uatv
19.08.2019

Serbest ticaret zonası ve İsrailnen UKraina arasında pensiya añlaşması. Bu Ukraina Prezidenti Volodımır Zelenskıy ve İsrail baş naziri Benyamin Netanyahu arasında muzakere etilgen esas mevzular.

Bu, 1999 sensinden İsrail lideriniñ Ukrainağa birinci kelişi. Resmiy merasim Kiyevde, Mariinskiy sarayında keçti. Bundan soñ eki taraflı muzakereler ve keniş şekilde körüşüv. Şİmdi taraflar bir sıra vesiqalarnı imzalay. Bundan soñ Zelenskiy ve Netanyahu matbuat vastalarınen körüşecek.

“İsrail Yaqın Şarqta Ukraina içün esas ticariy ortaqlardan biridir. Bizim ortaqlıq ticeretimiz 1 mlrd dollardan aştı. Raqam Ukraina ve İsrail arasında serbest ticeret zonası añlaşmasınıñ imzalanğanından soñ artacaq. Ümüt etem ki, añlaşma yaqın zamanda İsrail tarfınen de tasdıqlanır”, – dedi Zelenskıy.

“Siz serbest ticret añlaşmasını tasdıqlağanıñızdan pek minetdarmız. Bu añlaşmanıñ kenişletilmesine ümüt etemiz. Biz de onı hızmetler saasında kenişletecekmiz. Kyiv ve Qudusta yüksek tehnologiyalı inkişaf merkezleri açılmaq kerek dep tüşüne. Biz teznologiyalarnen paylaşıp, mütehassıslarnı celp etmelimiz”, – dep, qayd etti Benyamin Netanyahu.

Menba UATV
tarih 19.08.2019
kategoriyalar SİYASET
paylaşmaq
UA|TV top haberleri