Ukrainalılar Strasburgta Rusiyeniñ PARE-ge qaytmasına qarşı miting keçireler

uatv
25.06.2019
Foto Facebook Maria Tomak

Frenkistanda Avropa Şurasınıñ binası yanında ukrain faalleri ve olarnıñ tarafdarları Rusiyeniñ Avropa şurasınıñ parlament assambleyasına qaytmasına qarşı narazılıq aktsiyasını keçireler.

Bu aqta Facebook saifesinde “İnsan aqqları içün media teşebbüs” teşkilâtınıñ koordinatorı Mariya Tomak haber etmekte.

Aktsiya PARE-de sanktsion mehanizmni lâğu etken ve Rusiyege yañıdan assambleyada rey berüv aqqını yanartmağa imkân berecek beyannameniñ qabul etilmesi sebebinden keçirile.

Narazılıq aktsiyasınıñ iştirakçileriniñ qolunda Ukraina ve Gürcistan milliy timsalleri. Bundan ğayrı, aktsiyağa Ermenistan cemiyetiniñ temsilcileri de qoşuldı.

Faller Kreml mabüsleri ve esirlikte tutulğan deñizciler aqqında da hatırlattı – olar mabüslerniñ fotosüretlerinen kelgen.

Hatırlatamız, PARE Rusiye Federatsiyasınıñ qaytması boyunca beyannameni qabul etti.

Menba UATV
tarih 25.06.2019
kategoriyalar UKRAİNA VE AB
paylaşmaq
UA|TV top haberleri