Ukrainada qışqa yaqın yekâne turistik portal çalışıp başlaycaq, – Gonçaruk

uatv
09.01.2020
Foto kmu.gov.ua

Nazirler kabineti Ukrainağa daa çoq seyaatçını celp etmek içün yekâne turistik portal meydanğa ketirecek. Bunen beraber memleketniñ köşelerinde turistik malümat merkezleri çalışacaq.

Bu aqta Ukraina baş naziri Öleksiy Gonçaruk haber etti.

“Ukrainağa müskün olğanı qadar çoq turist kelmesi içün şarait yaratmaq kerek. Bu elbette hızmetler, yollar, telükesizlik. Tamam bu sebepten turistler içün yekâne yardım merkezi yaratıla, er bir sualnen muracaat etip cevap ya da yardım almaq mümkün olacaq”, – dedi baş nazir.

Portal 2020 senesi küzge yaqın çalışıp başlamaq kerek. Bundan ğayrı ükümet bölgelerde yerli turistik malümat merkezleri yaratılacağını bildirdi.

“Medeniyet, gençler ve sport nazirliginde haber etilgeni kibi, bu leyhanı amelge keçirecek agentlik meydanğa ketirildi”, – qayd ettiler nazirlikte.

Джерело UATV
дата 09.01.2020
категорії TURİZM
поділитися
Топ новин на UA|TV