Ukrainada qırımtatarlarğa ürmet duyğusı arttı, – Mustafa Cemilev

uatv
12.08.2019
Foto Ukrinform-UATV

Qırım işğal etilgen soñ, Ukrainada qırımtatarlarğa yanaşuv deñişti.

Bu aqta, qırımtatar halqı lideri Mustafa Cemilev bildirdi, Anadolu agentligine atfı etip, haber ete Qırım. Aqiqat.

“Tirenme köstergenimiz, işğalni tanımaqtan vazgeçkenimiz ve Ukrainağa sadıqlığımız, ükümetke ve bütün ukrain cemiyetke pek tesir etti. Ukrainada qırımtatarlarğa ürmet duyğusı arttı“, – dedi Cemilev.

Bunıñ ile Cemilev, Türkiye Rusiye tarafından Qırımnıñ işğalini iç bir vaqıtı tanımaycağı aqqında Recep Tayyip Erdoğannıñ sözlerini tefsir etti.

“Prezident Recep Tayyip Erdoğan, Türkiye iç bir vaqıt Qırım işğalini qabul etmez, Qırım – Ukraina toprağı, ve Türkiye daima qırımtatarlarnen beraber olacaq, dep ayytı. Bu sözler biz içün pek müim”, – dedi qırımtatar halqı lideri.

Hatırlatmız: Avgustnıñ 9-nda, Halqara tamır halqlar kününde Ukraina prezidenti Volodımır Zelenskıy qırımtatar halqı temsilcilerinen körüşti.

Menba Qırım. Aqiqat
tarih 12.08.2019
kategoriyalar QIRIM
paylaşmaq
UA|TV top haberleri