Ukrainada parlament saylavları olıp keçirildi, – Tetâna Slıpaçuk

uatv
22.07.2019
Foto Ukrinform-UATV

Nevbetten tış parlament saylavları olıp keçti. Bu parlament kampaniyasınıñ keçirilüvi aqqında şübe doğurğan vaqialar olmadı.

Bu aqta Merkeziy saylav komissiyası reisi Tetâna Slıpaçuk, Kyivde brifing vaqtında bildirdi, dep haber ete Ukrinform.

Onıñ aytqanına köre, Merkeziy saylav komissiyası, reylerni sayma ve bölge saylav komissiyalarından protokollarnı qabul etme esnasnı başlay.

Merkeziy saylav komissiyası nevbetten tış parlament saylavlarında elektron protokollarnıñ 50,24 faizinden ziyadesini sayıp çıqtı.

ІХ Yuqarı Rada erkânına nevbetteki siyasiy fırqalar keçe: “Halq hızmetçisi” (“Sluğa narodu”), “Muhalifet platforması – Yaşayış içün” (“Oppozıtsiyna platforma – Za jittâ”), “Avropa birdemligi” (Yevropeyska Solidarnit), “Vatan” (“Batkivşçına”), “Ses” (“Ğolos”) .

Hatırlatamız: İyülniñ 21-nde Ukrainada nevbetten tış parlament saylavları olıp keçti.

Merkeziy saylav komissiyasınıñ malümatına köre, saylayıcılarnıñ 49,84%-ı rey berdi. Bu raqam Ukraina parlament saylavlarında saylayıcılarnıñ faaligine köre eñ alçaq oldı.

Polis, milliy gvardiya, qırtarıcılar ve sıñırcılar iç bir bozuvlarnı qayd etmedi.

Menba UATV
tarih 22.07.2019
kategoriyalar CEMİYET
paylaşmaq
UA|TV top haberleri