Ukrainada parlament saylavları başlandı

uatv
21.07.2019
Foto Radio Svoboda

Bugün, iyülniñ 21-nde, Ukrainada nevbetten tış parlament saylavları keçirile.

Rey berüv künü saba saat 8:00-den aqşam saat 20-ge qadar devam etecek. Saylav bölüklerinde rey berüv, memleketniñ vaqtınen berilecek.

Ukrainler 424 halq bemusını saylaycaq, olaradan 225 mütenasip saylav sistemasına köre saylanılacaq, ve 199 – çoquluq sistemesına köre. Böylece, halq mebuslarınıñ sayısı, Ukraina Anayasasında yazılğanınen qıyaslasaq, azca olacaq. Çünki Donetsk ve Lugansk vilâyetleriniñ ayrı rayonlarında ve işğal etilgen Qırımda saylav keçirilmey.

Nevbetten tış parlament saylavlarınıñ keçirilüvi içün Ukrainada 199 saylav bölgesi, ve 1 ecnebiy saylav bölgesi meydanğa ketirildi. Episi olıp aman-aman 30 biñ yerli saylav komissiyası çalışacaq.

Merkeziy saylav komissiyası saylavlarda iştirk içün 8 980 namzetni qayd etti. Bölece, 3 220 namzet – bir mandatlı saylav bölgelerinde, ve 2 747 namzet 22 siyasiy fırqadan.

Merkeziy saylav komissiyası cedvellerge ecnebiy devlet ve halqara teşkilâtlardan 1719 resmiy közeticini kirsetti.

Menba UATV
tarih 21.07.2019
kategoriyalar CEMİYET
paylaşmaq
UA|TV top haberleri