Ukrainada Boeing 737 МАХ uçaqlarınıñ işlenmesini vaqtınca yasaq etildi

uatv
14.03.2019
Foto Avropa aqiqatı

Ukraina Devlet aviatsion hızmeti Ukraina üzerinde Boeing 737-8 МАХ ve Boeing 737-9 МАХ uçaqlarında ticariy uçuşlarnı vaqtınca yasaq etti .

Bu aqta Ukraina Devlet aviatsion hızmeti saytında yazıla.

Buna ait qarar qanuniy quvetini martnıñ 13-nde saat 16:00 aldı.

“Bu qarar aydınlatılğanınen Ukraina üzerinde Boeing 737-8 MAX ve Boeing 737-9 MAX uçaqlarında uçuşlar yasaq etile”, – yazıla malümatta.

Böyle qarar, İndoneziya ve Abeşistanda bu çeşitniñ 2 uçağı qazağa oğrağanı sebebinden alındı.

Şimdiki vaqıtta Boeing 737-8 MAX uçağınıñ qaza sebepleri daa belli degil.

Menba UATV
tarih 14.03.2019
kategoriyalar TURİZM
paylaşmaq
UA|TV top haberleri