Ukrainada 5 grıvnâlıq mönetalar peyda oldı (FOTO)

uatv
20.12.2019
Foto epravda.com.ua

Bugün, dekabrniñ 20-nde, Ukraina Milliy Bankı qullanuvğa 5 grıvnâlıq mönetalar ve yañı 50 grıvnâlıq banknotalar çıqardı.

Bu aqta UATV Ukraina Milliy Bankına atfı etip bildire.

Milliy bankta bildirgenlerine köre, yañı banknotalar sahtelikten yahşı etip qoçalanğan.

Ukrain grıvnâsınıñ yañartuvı 2014 senesi başlandı ve 2020 senesi yekünlenmek kerek.

Keledejk sene yañartılğan 200 grıvnâ ve 10 grıvnâlıq mönetalar qullanıp başlanacaq.

Böyleliknen, Ukrainada tek 10 ve 50 kapik ve 1, 2, 5 ve 10 grıvnâlıq mönetalar ve 20, 50, 100, 200, 500 ve 1000 grıvnâlıq banknotalar olacaq.

Evel Ukraina Milliy Bankı qullanuvğa 1000 grıvnâlıq 5 million banknota çıqardı.

Джерело UATV
дата 20.12.2019
категорії İQTİSADİYAT
поділитися
Топ новин на UA|TV