Ukraina ve Türkiye zemaneviy pilotsız uçaq yaratacaq

uatv
20.08.2019
Foto ukroboronprom.com.ua

Ukrspetsproyekt” ve Baykar Defence şirketi pilotsız uçqan cihaz yaratacaq. Bu olarnıñ birinci ortaq leyhası olacaq.

Bu aqta “Ukroboronprom” şirketiniñ matbuat hızmeti haber etmekte.

“Yañı zemaneviy pilotsız uçqan cihaz Akıncı em Ukraina, em de Türkiye silâlandıruvı içün planlaştırıla, – dep, qayd ete yaratıcılar. – Onıñ esas üstünliklerinden biri – adiy uçaqlarda işletilgen silâlarnen pek doğru uruşlar yapmaq. Bu silâlar yüzlerce kilogramnı teşkil etebilecek”.

“Ukroboronprom”nıñ baş müdiri Pavlo Bükin qayd etkenine köre, bu leyha Ukraina ve Türkiyeniñ eñ küçlü mudafaa kompleksleriniñ birleşmesi sayesinde ömürge keçirile.

Cihaznıñ eki köçüricisi olacaq. Olar 12 km yükseklikte uçuşlar keçirmege imkân berecek. Köçüriciler Ukrainada yapıla. Bundan ğayrı, uçaq töpege 1000 kg silâ köterebilecek.

Menba UATV
tarih 20.08.2019
kategoriyalar TEHNOLOGİYALAR
paylaşmaq
UA|TV top haberleri