Ukraina ve Türkiye Prezidentleri Rusiye apishanelerinde tutulğan ukrainlerniñ azat etilüvini muzakere ettiler

Ukraina prezidenti Petro Poroşenko yanvarniñ 5-nde İstanbulda Türkiye prezidenti Recep Tayyip Erdoğan ile körüşti

uatv
07.01.2019

Foto Petro Poroşenko Facebook saifesinden

Ukraina prezidenti Petro Poroşenko yanvarniñ 5-nde İstanbulda Türkiye prezidenti Recep Tayyip Erdoğan ile körüşip, Rusiye apishanelerinde tutulğan ukrain siyasiy mabüslerniñ azat etilüvini muzakere etti. Bundan ğayrı olar, Qırımda Rusiye işğali şartlarında Ukraina vatandaşları, hususan qırımtatarlarnıñ aqlarını temin etüv tedbirlerine ayrı diqqat celp ettiler.

Bu aqta Ukraina prezidenti öz Facebook saifesinde yazdı.

“Biz strategik ortaqlıqnıñ pekitüv yollarını, halqara meydanlarında işbirligimizniñ koordinatsiyasını, serbest ticaret mıntaqası aqqında ekitaraflama añlaşmanıñ imzalanuvını muzakere ettik”, – dep yazdı Prezident.

Devlet yolbaşçısı Türkiyeniñ devletimizniñ topraq bütünligi ve sıñırlarına deñişmegen qoltutuvına yüksek qıymet kesti ve Türkiye Cumhuriyetine 2018 senesi dekabr ayında qabul etilgen BMT Baş Assambleyasınıñ Qırım ve Azaq deñiziniñ Rusiye tarafından askeriyleştirilüvini takbih etken qararını azırlamağa yardım etkeni içün teşekkürler bildirdi.

Menba UATV
tarih 07.01.2019
kategoriyalar SİYASET
paylaşmaq
UA|TV top haberleri