Ukraina ve Qazahistan Prezidentleri, memleketler arasında işbirlikni inkişaf etüv istiqballerini muzakere ettiler

Olar, Kyiv ve Astana arasında munasebetlerni faalleştirüv meselesinde istekleri qarşılıqlı olğanını qayd ettiler

uatv
27.12.2018

Foto PM

Ukraina Prezidenti Petro Poroşenko Qazahistan Prezidenti Nursultan Nazarbayev ile telefonnen laf etti. Bu aqta Prezident Müdiriyetiniñ matbuat hızmeti haber ete.

Devlet başları 2019 senesi iqtisadiy işbirlik üzerindе nevbetteki ortaq Devletlerara ukrain-qazah komissiyasınıñ keçirilüvi aqqında añlaştılar.

Ayrıca, ekitaraflama iqtisadiy-ticaret işbirlikniñ inkişaf etüv istiqballeri ve vaziyetine diqqat berildi.

Prezidentler, halqara teşkilâtlar, şu cümleden BМT, çerçivesinde iş birligi meselerine diqqat ettiler. Bunıñ ile, Ukrainanıñ işğal etilgen topraqlarındaki vaziyetni de muzakere ettiler.

Subet vaqtında olar, Kyiv ve Astana arasında munasebetlerni faalleştirüv meselesinde istekleri qarşılıqlı olğanını qayd ettiler.

Menba UATV
tarih 27.12.2018
kategoriyalar SİYASET
paylaşmaq
UA|TV top haberleri