Ukraina ve Gürcistan NATO azaları olmaq kerek,-Letoniya TİN başı

Bugünde bu memleketler Avropanıñ mustaqilligi ve telükesizligi oğrunda küreşe

07.08.2018
Foto polradio.pl saytından

Avgustnıñ 6-nda, bazarertesi künü,  Ukraina, Poloniya ve Baltlıq memleketleriniñ diplomatları, 10 yıl evelsi Gürcistannıñ mustaqilligini imaye etkenlerni añmaq içün Tbilisige keldi. Bugünde Ukraina ve Gürcistan Avropanıñ mustaqilligi ve telükesizligi oğrunda küreşe, onıñ içün NATO-nıñ tam aqlı azası olmaq keregini körüşüv vaqtında, Letoniya Tiş işler naziri Yedgar Rinkeviçs bildirdi.

Bunıñ aqqında Radio Poland haber ete.

Ve, 2008 senesiniñ Rusiye-Gürcistan, ve alâ daa devam etken Rusiye-Ukraina cenki, barışıqnı tiklemek içün er şeyni yapmaq kerek olğanınınıñ bir misalidir, dep qayd etti.

On yıl evelsi, Gürcistanda halqara uquqı ve nizamı bozulğan edi, onıñ içün bunıñ aqqında bütün dünyağa hatırlatmaq pek müimdir.

“2008 senesi Gürcistanda, soñra ise Ukrainada olğanı, bizni böyle vaqialar bir daa tekrarlanmasıñ dep elimizden kelgen er şeyni yapmaq kerek olğanımızğa iqna ete”, – qayd etti Letoni TİN başı.

Bunıñ ile, Ukraina ve Gürcistanğa NATO-ğa kiriş meselesinde qol tutqanını ifadeledi.

Letoniya diplomatiyanıñ başı, Qırım şimdi rusiyeniñ işğalinde olğanını hatırlattı. Onıñ içün diger memleketler Şarqiy ortaqlıqta öz yardımını köstermek kerek.

Menba Radio Poland
tarih 07.08.2018
kategoriyalar UKRAİNA-NATO
paylaşmaq
UA|TV top haberleri