Ukraina ve Avropa Birligi yılnıñ soñuna qadar “açıq ava” aqqında añlaşma imzalaycaq ola, – Hugues Mingarelli

uatv
26.07.2019
Foto Ukrinform-UATV

Büyük Britaniya Brexitni kerçekleştirgeninen, Avropa Birligi ve Ukraina ortaq ava boşluğı aqqında añlaşmanı imzalaycaq. Belli olğanı kibi, Londra bağlaşımdan oktâbr ayında çıqacaq, buna köre añlaşma yılnıñ soñuna qadar imzalanılacaq.

Bu aqta Ukrainadaki Avropa Birligi elçisi Hugues Mingarelli bildirdi, dep haber ete Avropa aqiqatı.

“Brükselde zenaatdaşlarım, Brexit kerçekleştirgeninen, añlaşma imzalanuvı içün maniyalar yoq olcağını ayta”, – dep bildirdi elçi.

Onıñ aytqanına köre, ava boşluğı aqqında añlaşma imzalanılanılması içün yekâne maniya – İspaniya ve Büyük Briatniya arasında Gibraltar statusı aqqındaki dava.

Qayd etmek kerek ki, añlaşma imzalanılğan soñ, tasdıqlav esnası başlaycaq, şu sebepten Ukraina içün “açıq ava” aqqındaki añlaşma keledejk seneden işlep başlaycaq.

Menba UATV
tarih 26.07.2019
kategoriyalar UKRAİNA VE AB
paylaşmaq
UA|TV top haberleri