Ukraina ve Avropa Birligi Birleşme aqqında añlaşmanıñ ğayrıdan baqıp çıqılmasını muzakere etti

uatv
20.11.2019
Foto Ukrinform-UATV

Ukraina-Avropa Birligi Birleşme komiteti oturışı vaqtında taraflar Birleşme aqqında añlaşma metininiñ mükemmelleştirüv imkâniyetini muzakere etti.

Bu aqta İnkişaf, iqtisadiyat, ticaret ve çiftçilik naziriniñ muavini, Ukraina ticaret temsilcisi Taras Kaçka aytıp berdi, haber ete Ukrinform.

“Er bir yañartuv ya da ğayrıdan baqıp çıquv – şimdi olğan printsiplerge köre ve çerçivelerde añlaşmanıñ inkişafıdır dep sayamız. Bizim fikrimizce, ve Avropa Birligi de buna qoltuta, söz añlaşmanıñ tübü-tamırından deñiştirilmyesi aqqında degil, tekamül aqqında kete bile. Añlaşmada bir çoq yahşı şey qayd etilgen. Olarnı sadece kerçekleştirmek kerek”, – dep qayd etti Kaçka.

Onıñ aytqanına köre, Avropa Birliginen Birleşme aqqında añlaşmanıñ yañartuvı üzerinde yapılacaq işte Ukrainanı üç esas muvzuiy qısım meraqlandıra.

Birincisi tarifelerniñ ğayrıdan baqıp çıqılması. Çünki olar Avropa Birliginen 2006-2007 seneleri olıp keçken aytışmalar esasında belgilenilgen. Ekincisi, tariife olmağa manialar aqqında maddelerniñ yañartuvına ait.

Üçüncisi ise – añlaşmanıñ inkişafı. Avropa Birliignde olıp keçken idare etici qaidelerinde deñişmelerge añlaşmanıñ uyğunlaşuvı.

Menba Ukrinform
tarih 20.11.2019
kategoriyalar UKRAİNA VE AB
paylaşmaq
UA|TV top haberleri