Ukraina UNESCO işğal etilgen Qırımda Han sarayınıñ yoq etilüvini toqtatacağına ümüt ete

uatv
13.03.2019
Foto TSN

Qanunsız işğal etilgen Qırımnıñ Bağçasaray şeerinde yerleşken Han sarayında işğalciler yapqan “restavratsiya” vaqtında dünya emiyeti olğan mimariy abide mahv etile.

Bu aqta Ukraina medeniyet naziri Yevgeniy Nişçuk ATR telekanalınıñ yaynında bildirdi.

“Bu dünya emiyeti olğan mimariy abideniñ mahv etilüvi. Bu muzakere etilmey. Bu cinayetler aqqında fotoresimler, malümat bar… Bu, restaratsiyanı mançıq etip, abideniñ tam aynılığı mahv etililgenini köstergen parlaq bir örnek”, – dep qayd etti nazir.

Yevgeniy Nişçuk, Ukraina bu meseleniñ çezilüvinde UNESCO yardımına ümüt etkenini bildirdi. Teşkilâtnıñ nezaret missiyası yaqın vaqıtta Han sarayını ziyaret etmek kerek ve abideniñ mahv etülüvini toqtata bile.

“Biz içün, anda baracaq mütehassıslarnıñ neler kerçekten olğanını körgenleri pek müimdir. XVII-XVIII asırdan qalğan autentik tahta tosunlar madeniy beton bünyelerge deñiştirilgenini körmek kerekler”, – dep qoştı Yevgeniy Nişçuk.

Hatırlatmaq isteymiz ki, UNESCO 2019 senesi aprel ayına qadar işğal etilgen Qırımnıñ vaziyetini teftiş etmege planlaştıra. Soñ esabatta mütehassıslar teşkilât mesülietli olğan saalarda vaziyetniñ fenalaşuvını qayd ettiler.

Menba UATV
tarih 13.03.2019
kategoriyalar QIRIM
paylaşmaq
UA|TV top haberleri