Ukraina Umumiy qaznacılıq esabatında qalğan paralar miqdarı 2,5 qat ziyade oldı

uatv
02.05.2019
Foto Ukrinform-UATV

Bu yılnıñ mayıs ayı başında Umumiy qaznacılıq esabatında qalğan paralar miqdarı – 36,85 milliard grivna. Bu raqam, 2019 senesiniñ keçken ayınıñ köstergiçlerine köre 2,5 qat ziyadedir (22 milliard grivnağa ziyade).

Böyle malümatnı Devlet qaznacılıq hızmeti resmiy saytında yerleştirdi.

İdarede, bir yıl evelsi esaplarda para miqdarı 6,6 qat az olğanına (5,55 milliard grivnağa az) diqat etildi. 2018 senesi aprel ayı içinde olar 2,76 milliard grivnağa eksildi.

“Mayıs başında irişilgen köstergiç – yılnıñ bu vaqtı içün rekordlıdır: bundan evel olğan azamiy köstergiç 2017 senesi mayıs başında olğan edi – 31,07 milliard grivna”, – qayd ettiler hızmetniñ mütehassısları.

Evel haber etilgeni kibi, Dünya bankı soñki beş yıl devamında yapılğan müim islâatlarnı sayıp çıqtı. 2018 senesi Ukrainada Umumiy içki mahsulat artuvı 3,3 faizge qadar tezleşti.

Menba UATV
tarih 02.05.2019
kategoriyalar İQTİSADİYAT
paylaşmaq
UA|TV top haberleri