Ukraina Tışqı işler nazirligi frenk siyasetçileriniñ işğal etilgen Qırımğa barıp kelmesini takbih etti

uatv
15.03.2019
Foto Ukrinform-UATV

Ukraina Tışqı işler nazirligi, frenk siyasetçileriniñ işğal etilgen Qırımğa barıp kelmesi, Ukraina suvereniteti ve torpaq bütünligine ve halqara uquqqa dair sayğısızlıq areketi olğanını bildirdi.

Bu aqta idareniñ saytında yerleştirilgen resmiy beyanatta yazıla.

“Bu frenk siyasetçileriniñ areketlerini, tecvuzcınıñ qabul etilmez ekspansiya ve diskriminatsiya siyaseti, Qırım askeriyleştirilüvi, Qara ve Azaq deñizlerniñ bölgesini telükege tüşürilüvi, ve bunıñ ile işğal etilgen Qırım yarımadasında insan aqlarınıñ kütleviy ve muntazam buzuluvlarına doğrudan köz yumma kibi sayamız”, – yazıla beyanatta.

Bundan ğayrı, Tışqı işler nazirligi añılğan siyasetçiler öz memleketiniñ resmiy nazar noqtasına qarşı areket etkenlerini bildire. Çünki Frenkistan Ukraina qısmınıñ işğalini defalarca takbih etken edi.

Ayrıca idare episi çetel vatandaşlarğa vaqtınca işğal etilgen yarımadağa kirüv-çıquv qaidelerine riayet etmege rica etti. Bozucılar Ukraina qanunlarına köre mesülietke çekilecek.

Menba UATV
tarih 15.03.2019
kategoriyalar QIRIM
paylaşmaq
UA|TV top haberleri