Ukraina “Ştaynmayyer formulası” metini aqqında kelişti, – Zelenskıy (VİDEO)

uatv
02.10.2019
Skrin

Tünevin, oktâbrniñ 1-nde, Minskte Donbassta vaziyetniñ tınç çezilmesinden Üç taraflı kontakt gruppasınıñ mahsus oturışı olıp keçti. Oturış neticelerine köre, Ukraina prezidenti Volodımır Zelenskıy mahsus brifing keçirdi.

“Esirlernen deñişüvniñ nevbetteki adımları, basamaqları muzakere etildi. Esirlerniñ azat etilmsi, şahsen men içün eñ müim meseledir”, – dedi o.

Prezident, episi ukrain vatandaşlarınıñ azat etilmesi içün pek çoq tırışa, dep inandırdı.

Petrovske ve Zolote qasabalarında quvetlerniñ keri çekilmesi aqqanda añlaştıq. Yerli sakinler imaye etilecek dep şahsen kefalet etem. Arbiylerniñ keri çekilmesi insanlarnıñ telükesizligine asla tesir etmez. Misal oaraq Stanıtsâ Luganskanı ketire bilem. Anda quvetlerniñ keri çekilmesi ğayet muvafaqiyetli oldı”, – dedi devlet başı.

Zelenskıynıñ aytqanına köre, oturışta “Normad dertlügi” sammitiniñ keçirilmesine keder etken soñki manialar yoq etildi. Bunıñ ile, “Ştaynmayyer formulası” aqqında bazı añlatmalar yaptı.

“Bu bir-eki cümle, vesselâm. Donetsk ve Lugansk vilâyetleriniñ ayrı bölgelerinde yerli özidare organlarınıñ mahsus nizamı aqqında muvaqqat qanun, daa “Donbassnıñ mahsus statusı aqqında qanun” kibi belli. Anda yerli saylavlar tek Ukraina Anayasa mücibi ötkerilgen taqdirde, bu status daimiy olacaq. Bunıñ ile, Avropada işbirlik ve telükesizlik teşkilâtı, saylavlar halqara qaidelerge köre ötkerilgeni aqqında esasbat yayınlağan soñ. “Pulemötlar astında” iç bir türlü saylavlar olmaycaq”, – dep qad etti prezident.

Devlet başı, bu qanun 2019 senesi dekabrniñ 31-ne qadar amelde olacaq dep bildirdi. Yañı qanunnı ise parlament azırlaycaq.

“Biz, Martin Saydikniñ ( Üç taraflı kontakt gruppasında Avropada işbirlik ve telükesizlik teşkilâtınıñ mahsus temsilcisi) mektübine cevap berdik. Anda, “Ştaynmayyer formulası” metini aqqında kelişmege tırışqanımıznı yazdıq”, – dep yekünledi Zelenskıy.

Menba UATV
tarih 02.10.2019
kategoriyalar SİYASET
paylaşmaq
UA|TV top haberleri