Ukraina stand-by programması mücibi Memleketlerara para fonduna episi paranı ödedi

uatv
04.09.2019
Foto Ukrinform-UATV

Ukraina, 2014 senesi başlanğan stand-by programması mücibi Memleketlerara para fondunana aqçanı tolusınen ödedi.

Bu aqta Ukraina Milliy Bankı haber etti, dep bildire UMH.

Soñki ödev – 156,4 million dollar oldı.

2015 senesi yekünlenmegen stand-by programması yerine Ukraina Memleketlerara para fondunen EFF keñleştirilgen para berüv programmasını tizdi. 2018 senesi dekabr ayında, o, yekünlenmeden evel bu stand-by programmasına deñiştirildi.

Hatırlatamız: Memleketlerara para fondu Ukraina tarafından stand-by programması şartlarınıñ yerine ketirilmesini müsbet olaraq qıymetlendirdi.

Evel, Avropa Birliginiñ tışqı işler ve telükesizlik siyaseti meseleleri baş temsilcisi Federica Mogherini, teşkilâtnıñ bütün tarihı devamında eñ büyük yardımnı Avropa Birligi Ukrainağa berdi, dep bildirdi.

Menba UMH
tarih 04.09.2019
kategoriyalar İQTİSADİYAT
paylaşmaq
UA|TV top haberleri