Ukraina qırımtatar Seytosmanovğa çıqarılğan üküm içün Rusiyege narazılıq bildirdi

uatv
06.12.2019
Foto UATV

Ukraina Tışqı işler nazirligi Rusiye Ceza Qanunnamesiniñ 205.5 maddesine köre (terror teşkilâtınıñ faaliyetini teşkil etüv ya da iştirak etüv) qabaatlanılğan qırımtatar Enver Seytosmanovğa çıqarılğan üküm içün Rusiye Federatsiyasına narazılıq bildirdi.

Bu aqta UATV Ukraina Tışqı işler nazirliginiñ matbuat hızmetine atfı etip bildire.

“Bu mahkeme qararı, Rusiye Federatsiyası qırımtatar halqına qarşı qullanğan siyasiy basqılarnıñ tekrar isbatı oldı”, – yazıla bildirüvde.

Bu kibi areketlernen Rusiye başlıqları işğal etilgen Qırımda yaşağan qırımatatarlarnı sürgün etecek ola.

Ukraina halqara toplulığını işğal etilgen yarımadada insan aqları bozulmasını toqtatmaq maqsadınen Rusiyege qarşı siyasiy, diplomatik ve sanktsiyalar rejimini quvetleştirmege davet etti.

Bunıñ ile Ukraina Tışqı işler nazirligi Rusiye işğal etilgen Qırımğa dair kerçekleştirmeke kerek olğan qararlarnı da hatırlattı.

Oqıñız: Bugün, dekabrniñ 5-nde, “Enver Seytosmanovnıñ davası” hususında soñki mahke oturışı olıp keçti. Davanı Rusiyeniñ Rostov-na-Donu şeerindeki Cenübiy okrugınıñ arbiy mahkemesi baqtı.

Menba UATV
tarih 06.12.2019
kategoriyalar UKRAİNA
paylaşmaq
UA|TV top haberleri