Ukraina Prezidenti ukrainlerni Milât bayramınen hayırladı

Hayırlavında er kesni askerlemiz içün duacı olmağa çağırdı

uatv
07.01.2019

Foto PM

Yanvarnıñ 7-nde şarqiy ananesini kütken ukrainler Milât bayramını keçireler. Ukraina Prezidenti Petro Poroşenko  bayram munasebeti ile semetdeşlerini hayırladı.

“Yañı doğğan Kurtarıcı İsa Mesih bizge uzun zamandır beklenilgen barışıq nasip etsin ve er ukrain ailesini ve er ukrainni qurtarsın”, – dep yazdı Prezident Facebook saifesinde.

Öz hayırlavında Petro Poroşenko, bu bayram künleri hususan askerlemiz içün duacı olmaq kerekligimizni qayd etti.

“Rabbimiz olarnı ve bizim memleketimizni bütün qaza-belâlardan saqlap qorçalasın”, – dedi o.

Menba UATV
tarih 07.01.2019
kategoriyalar CEMİYET
paylaşmaq
UA|TV top haberleri