Ukraina Prezidenti saylavlarınıñ tecavuzcı memleketniñ topraqlarında keçirilüvi imkânsız, – Pavlo Klimkin

Moskva demokratik standartlarnnıñ riayet etüvini kefalet etip olamay

uatv
03.01.2019

Foto Ukrinform-UATV

Saylayıcılar içün, Ukraina Prezidenti saylavlarınıñ  keçirilüvi tecavuzcı memleketniñ topraqlarında telükeli.

Bunı, Tış işler naziri Pavlo Klimkin “Ukraina aqiqatı” neşrine Merkeziy saylav komissiyasınıñ Rusiyede 5 saylav bölüginiñ yoq etilüvi ile bağlı qararı aqqında tefsir bergende bildirdi.

Klimkinniñ fikrine köre, rey berüvniñ episi iştirakçileri FSB tazyığı altında olacaq ve repressiya qurbanları ola bile.

Rusiyedeki Ukraina elçilikleri ve konçullıqlarında qayd etilgen Ukraina vatandaşları reylerini Gürcistan, Finlândiya ve Qazahistan diplomatik vekâlethanelerinde berip olacaqlar.

Tış işler naziri  Twitter saifesinde yazdı: “FSB ve diger Rusiyeniñ institutları öz topraqlarındaki Ukraina saylavlarına kirişmeceklerine inanmaq içün ğayet sadedil olmaq kerek”.

Ukrainada nevbetteki Prezident saylavları bu sene mart 31-nde keçirilecek.

Menba UATV
tarih 03.01.2019
kategoriyalar SİYASET
paylaşmaq
UA|TV top haberleri