Ukraina prezidenti İsrailnen serbest ticaret mıntaqası aqqında qanunnı imzaladı

uatv
07.08.2019
Foto PO

Prezident Volodımır Zelenskıy, Ukraina ve İsrail arasında serbest ticaret mıntaqası añlaşmasınıñ tasdıqlanuvını aqqında qanunnı imzaladı.

Bu aqta UATV Yuqarı Rada matbuat hızmetine atfı etip bildire.

Añlaşma, Ukraina ve İsrail parlamentleri tarafından tasdıqlanılğanından 60 kün soñra quvetini alacaq. Prezident imzası, devletimiz tarafından añlaşmanı tasdıqlav esnasını yekünledi.

Hatırlatamız: Yuqarı Rada, İsrailnen serbest ticaret mıntaqası aqqında halqara añlaşmanı daa iyülniñ 11-nde tasdıqladı.

İyülniñ 22-nde ise qanun prezident tarafından imzalanılmaq içün berildi.

2019 senesiniñ yanvar ayında Ukraina ve İsrail serbest ticaret mıntaqası aqqında añlaşmanı imzaladı.

Menba UATV
tarih 07.08.2019
kategoriyalar İQTİSADİYAT
paylaşmaq
UA|TV top haberleri