Ukraina parlament saylavlarına Rusiyeniñ qarışmasına qarşılıq köstermege azır, – RNBO

uatv
09.05.2019
Foto espreso.tv saytından

Ukraina ordusı parlament saylavlarından evel devletniñ şarqında vaziyet kerginleşmesine ve informatsion tecavuzlarğa qarşılıq köstermege azır.

Bu aqta Milliy telükesizlik ve mudafaa Şurası kâtibiniñ muavini Sergiy Krivonos bildirdi, dep haber ete Amerika Sesi.

“Ukraina ordusı kibermeydanda rusiye ucumlarına ve şarqta vaziyet kerginleşmesine qarşılıq köstermege azır. Onıñ büyük tecribesi ve yüksek azırlıq seviyesinen vatanpereverlik duyğusı bar. O, Rusiyeniñ memleketimizde vaziyetni beterleştirmek ıntıluvlarına da qarşılıq köstermege azır”, – dedi Krivonos.

Bundan ğayrı, o, Rusiye tarafından ucum ucumnıñ obyektleri tek Silâlı quvetler degil de, informatsion saalar da telüke altında olğanını qayd etti. RF Ukraina ealisine baqtırılğan informatsion operatsiyalar keçirebile.

“İnformatsion operatsiyanıñ esas vazifesi – ukrainlerni qızıştırıp memleket içinde vaziyetni kerginleştirmek. Bunı er bir ukrainalı añlamaq kerek. Afsus ki, bazı yerlerde bazı davalarnıñ kerginleşmesi Rusiyege tek fayda ketire”, – dep, qoştı RNBO kâtibiniñ muavini.

Hatırlatamız, Microsoft şirketi saylavlar telükesizligi programmasını işlep çıqardı.

Menba UATV
tarih 09.05.2019
kategoriyalar CEMİYET
paylaşmaq
UA|TV top haberleri